DIE SWARTLAND FEES

Gerhard Steyn (gebore op 27 November 1976) is 'n bekende Afrikaanse sanger en liedjieskrywer. Hy is in 2006 aangewys as die Vonk-liedjieskrywer van die jaar. Met sy liedjie “Baby Tjoklits”, wat hy self sing, verower hy die 2009 Vonk-prys vir liedjie van die jaar. Die liedjie is ook deur Radio Rippel se luisteraars as die liedjie van 2009 aangewys.[1][2] Steyn het ook as televisieaanbieder homself gevestig, waar hy saam met die akteur Alvin Bruinders, die program Konings van Kitskos, aangebied het op die Via-kanaal 147, op Dstv. Dié program het op televisie in 2017 verskyn en weens die gewildheid daarvan is die vyfde seisoen van Konings van Kitskos in 2020 begin uitsaai. Steyn is ook 'n sakeman en is mede-eienaar van die kuierplek, Live@Wildebeest, in Boksburg, Gauteng.

Jaco du Plessis of Jay soos hy bekend staan, is 'n Afrikaanse sanger. Hy is op 11 September 1977 gebore in Sasolburg en het gematrikuleer aan Hoërskool Aliwal-Noord. Na skool het hy by die lugmag aangesluit en was ook deel van die Kannaries-sanggroep. Hierna het hy musiekteater betree en was in verskeie verhoogproduksies betrokke. Hy en sy vrou het vier seuns, Aiden, Samuel, Luka en Jamie.nIn 2001 wen hy die ATKV Crescendo-kompetisie saam met Joe Niemand. Die album wat hieruit volg is vir twee GMT-toekennings benoem, waarvan hulle die toekenning vir Beste Pop Album ontvang het. Hy was ook deel van die seun-sanggroep Eden gewees, waarna hy 'n solo sangloopbaan begin het. Sy debuut solo album, SOLO, het reeds platinum status verbygesteek en is bekroon met twee Huisgenoot Tempo-toekennings: Beste Pop Album en Liedjie van die Jaar vir Melanie asook twee SAMA-nominasies.n

Eloff is die naam op almal se lippe. Hy is ‘n Potch–student wat blitsvinning bekendheid verwerf het met sy Platinum debuut-enkelsnit Johnnie Blou en opvolg snitte Geheuverlies en Witblits. Eloff slaag daarin om die ontasbare gees van die Afrikaanse kultuur vas te vang en dit tot sy suiwerste vorm te distilleer. Dis minimalisties, post-Sokkie Boeremusiek. Sy musiek, tong-in-die-kies lirieke en ontploffende energie word nou geniet by elke goeie partytjie.

Jean-Luc Handel, professioneel bekend as Loufi, is 'n passievolle, hardwerkende en selfgedrewe kunstenaar wat opslae maak in die Suid-Afrikaanse musiektoneel.nLoufi, wat voorheen deel was van CMB met Young Park, het gekies om solo te gaan om sy musiek meer persoonlik te maak op grond van sy lewenservarings. Deur sy musiek hoop hy om 'n goeie impak op die wêreld te hê deur verhale te deel wat ander se lewens kan verryk.nLoufi word grootliks deur sy eie lewenservarings beïnvloed, maar hy vind ook inspirasie in alles anders om hom. Elke liedjie het 'n bietjie van hom, want hy sien musiek komponeer as sy eie spesiale vorm van rehabilitasie. Al het hy sy eie styl sedert sy vroeë dae ontwikkel, is dit steeds duidelik uit sy liedjies dat hip-hop deel is van wie hy is.n

Sanger-liedjieskrywer Jacques Du Plessis gee jou die perfekte medisyne vir enige breek. Sy eerste enkelsnit My Fok is seker die eerlikste liedjie wat jy vanjaar in Afrikaans gaan hoor. Die liedjie is met rou emosie geskryf en deur Jacques op so 'n intieme manier gelewer wat herleenbaarheid verseker. Jacques tree sedert 2005 op en toer regoor Suid-Afrika en deel die verhoog met kunstenaars soos Elizma Theron, Bobby van Jaarsveld, Theuns Jordaan, Karlien van Jaarsveld en Christia Visser. Hy was ook deel van die bekende groep Die Grafsteensangers. Hy is bekend vir die uitvoering van covers soos Ai My Lam, Blou en She Always Gets What She Wants. Jacques se harde werk het vrugte afgewerp toe groot rolspelers in die Nywerheid opgestaan en kennis geneem het van hierdie unieke inhoudskepper. Die tyd is reg vir Jacques om die Afrikaanse musiektoneel met storm te neem.

Barto is kraakvars in die musiekbedryf met ‘n emosiewekkende stem. Hy tree egter al ‘n geruime tyd op by elke “open mic”-en–musiek geleentheid waar hy kans kry en mense soek elke keer meer. nSy debuut enkelsnit is nou beskikbaar met ‘n gevoel van opbouende volksmusiek en ‘n tradisionele Boere-tint wat sekerlik die tienerpols aan die gang sal kry. Barto is gefassineer deur die dualiteit van water. Dit is ‘n absolute noodsaaklikheid vir die lewe, maar val in en jy kan verdrink. Baie soos die Liefde. So gefassineer is hy dat H2O op sy arm getatoeëer is. Barto se emosiewekkende stem versterk die romantiese sentiment. Sal hy in haar oë verdrink of sal hy ‘n rede vind om te lewe? Seker ‘n bietjie van albei. Die opbouende volksmusiek met ‘n tradisionele Boere-tint sal sekerlik die tienerpols aan die gang kry. Hierdie ode aan die kompleksiteite van liefdenis ‘n Sokkie smash wat wag om te gebeur. Kalm soos ‘n landmyn op hierdie liedjie, Barto klink asof hy gaan ontplof. Soos ‘n damwal wat wag om te breek. Subtiele keuses plaas Barto in ‘n klas van sy eie as dit kom by die nuwe golf van Afrikaanse kunstenaars. Hy meng soomloos ‘n alternatiewe houding met Pop sensitiwiteite. Bartonse grondpad stem prikkel jou ore en met ‘n aansteeklike fluit melodie in die koor haak hy jou in vir die durasie van die reis terug na kalwer liefde en slegte besluite neem vir al die regte redes!n

Met sy virale videos het die TikTok ster, TiNO, vir homself ‘n platekontrak los gesing en nou is sy langverwagte debuut album getiteld Sterrekind uiteindelik hier. TiNO, oftewel Tinotenda Singe, is in 2002 in Harare, Zimbabwe gebore. As kleuter het hy saam met sy ouers na Suid-Afrika verhuis en hulle in Swellendam gevestig, en tans studeer hy Landbou by Elsenburg College in Stellenbosch. TiNO het grootgeword met Engels, Shona en Afrikaans in die huis, maar het besluit om in Afrikaans te sing. ‘’Ek het verlief geraak op die taal. Ek was mal oor die verskillende genres. Ek het geluister na rock, boeremusiek en sokkie,’’ vertel hy. Vriende was beïndruk met TiNO se stem en het hom aangemoedig om dit op sosiale media te plaas. TiNO het video’s op TikTok geplaas en spog huidiglik met oor die 8000 “followers” en meer as 30 000 “likes”. Na sy aanlyn sukses is TiNO genader deur Zinta Kymdel van ZinK Events wie hom aan Kobie Koen van Vonk Musiek voorgestel het. Kobie het vir TiNO studio toe gestuur waar hy sy eerste enkelsnit getiteld Kateriena Malherbe, geskryf deur die sanger en akteur Hennie Jacobs, saam met die bekroonde musiekvervaardiger, Tertius Human, opgeneem het. TiNO het die sukses van Kateriena Malherbe opgevolg deur sprokiemooi weergawe van Herman Holtzhausen se Transkaroo saam met sanger Henning Joubert vry te stel. Met Sterrekind deel TiNO vir die eerste keer musiek wat hy self geskryf het. ‘’Die album bestaan uit sewe ‘covers’ en drie oorspronklike liedjies. Die sewe covers is bekende liedjies wat ek baie na geluister het as kind en wat op ‘n manier met my gepraat het,’’ het TiNO gedeel. Hierdie liedjies sluit TiNO se weergawes van Breyten Se Brief, Dans in Jou Taal, Lisa se Klavier, Beste Henry, Kateriena Malherbe en TiNO en Henning Joubert se verwerking van Transkaroo in. TiNO se oorspronklike liedjies op die album sluit in Sterrekind, Afstand en Mandjie Vol Liefde.n‘’Ek het eintlik nie geweet ek kan skryf nie,’’ vertel TiNO. ‘’Ek het tydens die groot grendeltydperk idees en stories begin neerskryf en in liedjies probeer omskep, en ek hoop ek het dit reg gekry. Soms voel ek liedjies skryf hulself. Mandjie Vol Liefde het ek byvoorbeeld een aand tydens beurtkrag in die koshuis geskryf. Ek het geweet waaroor en oor wie die woorde gaan en dit het vir my ń halfuur gevat om die liedjie klaar te skryf.’’ Die liedjies uit TiNO se pen handel oor die liefde. ”Sterrekind het ek geskryf uit twee verskillende oogpunte uit. Die eerste vers is geskryf uit my perspektief en die tweede vers is geskryf uit die perspektief van die persoon vir wie ek die liedjie geskryf het,’’ vertel TiNO. Hy sluit die lied af met die reel: ‘’die mense wie ons werklik lief het sal ons nooit verlaat nie en daar is dinge in die lewe wat die dood nooit kan raak nie.” Volgens TiNO maak hierdie die liedjie universeel. ‘’Dit gaan nie noodwendig oor ‘n romantiese liefdesverhouding nie. Dit kan gaan oor die liefde vir jou familie of selfs jou hond,’’ lag TiNO. Oor Mandjie Vol Liefde vertel TiNO dat mense hulle eie afleidings kan maak, maar hy het dit geskryf vir ‘n meisie vir wie hy iets gevoel het, maar wie nie noodwendig dieselfde oor hom gevoel het nie. Afstand handel ook oor die tema van liefde en handel oor die effek wat afstand op ‘n verhouding kan hê. Vir TiNO was die grootste uitdaging die tyd wat hy in die studio moes spandeer. ‘’Ek het regtig gedink dat die produksie van die album ń ‘walk in the park’ sou wees maar nee, ek moes tien liedjies in ń week se tyd opneem omdat ek terug Stellenbosch toe moes gaan vir my studies. Tertius Human van Coolerbox Studios het vir my soos sy eie kind gelei in die studio en ek het baie by hom geleer. Ons het saam gesit en in ń kreatiewe manier aan die liedjies geskaaf tot ons tevrede was. Ek sien my musiek as ‘soulful’ en ek hoop mense gaan dit kan hoor in die woorde en die klanke,’’ het TiNO oor sy tyd in die ateljee uitgebrei. Sterrekind beteken regtig baie vir TiNO, omdat hy nooit gedink het dat hy ‘n loopbaan in musiek sou volg nie, nog minder dat hy ‘n album sou opneem nie. ‘’My ouers verstaan nie Afrikaans nie , maar wat vir my baie spesiaal was is die feit dat ek vir hulle die hele album gespeel het en dat hulle dit baie geniet en trots is op my. Ek glo daarin dat musiek ń taal op sy eie is en almal voel dit,’’ vertel hy. TiNO beplan om soveel moontlik lewendige optredes die jaar te doen en beplan ‘n spesiale projek met sy goeie vriend, die sanger Stefan Jansen, vir die einde van die jaar. TiNO is genooi om einde Julie 2022 in Carlow, Ierland op te tree met hulle jaarlikse Summer Picnic. Saam met TiNO tree kunstenaars soos Appel en Ross Learmonth van Prime Circle op. Dit is vir TiNO ‘n groot eer om Suid Afrika te verteenwoordig tydens hierdie fees.