Gesigte: Andre Schwartz

Kan jy die eerste gesig onthou wat jy gewaar het; vasgevang in tyd, geheue en onveranderlik? Natuurlik nie. Soos met alle herinnerings is daar veranderlikes.

Ewig wisselend in die album van ons geheue; altyd nuutgeskep op die doek van ons verlange, soos lewende kuns. Elke gesig wat ons onthou, word die legkaart van ons lewens, die reuk, die musiek, die liefde.

In die multimediaproduksie “GESIGTE” word die werk van internasionale bekroonde portretkunstenaar André Serfontein tot lewe geroep deur die digitale kunstenaar Seun.

Elke lewensstorie van André Schwartz word verbeeld deur die unieke gesigte wat verskyn op die skerm. Klavier, kitaar en stem vertel liedere soos “From Both Sides Now,” “First Time Ever I Saw Your Face,” “The Book of Love,” en “The Rose.” André se treffers en eie komposisies, soos die kwesbare en gewilde “Ek Haal Asem,” maak ook ‘n buiging.

Gesigte vertel in beeld en musiek die eerlike herinneringe van die legio kosbare mense in André Schwartz se lewe.

Hierdie produksie het ‘n benoeming as beste musiekaangedrewe produksie by die Aarklop kunstefees ontvang, en sy voorloper “My Keuse” is benoem vir ‘n gesogte nasionale Fiesta toekenning in dieselfde kategorie.

Alkoholiese en nie-alkoholiese verversings te koop, geen bring-jou-eie.
Rolstoelvriendelik.
Deure maak 30 minute voor die opvoering oop.

GET IN TOUCH

012 880 2635 / [email protected]

OPERATING HOURS

Ticketing Support:

• Monday - Friday: 9am - 5pm


• Saturdays: 10am - 2pm


• Sundays: 10am - 1pm


• Public Holidays: 10am - 1pm