Geskiedenis deur die Oë van Vroue | Boekekuiers

Geskiedenis deur die Oë van vroue: ’n Insiggewende gesprek oor geskiedenis, storievertel en die krag van vrouestemme

Met: Irma Joubert, Helene de Kock, Jeanette Stals en Malene Breytenbach

Gespreksleier: Susan Booyens

Vier Vrouedag saam met vier van Suid-Afrika se mees geliefde skrywers van historiese romans, waar die verlede en die hede mekaar ontmoet.

Hierdie skrywers is bekend vir hul vermoë om die stories van die verlede – veral dié van merkwaardige vroue – met deernis en insig tot lewe te bring. Hulle gesels oor hul jongste werk en delf dieper in die kuns en uitdagings van historiese fiksie.

Hoe balanseer mens feit en verbeelding, en hoekom bly die verhale van gister so relevant vir vandag? Hierdie vrae en meer word ondersoek in ’n gesprek wat die krag van die vroulike stem deur die eeue belig.

Met Susan Booyens aan die stuur, kan gehore uitsien na ’n boeiende en verruimende ervaring.

Ouderdomsbeperking: Alle ouderdomme

Kaartjienavrae:

Telefoon: 012 880 26 35

e-pos: [email protected]

www.kalfiefees-hermanus.co.za  

Werksure:

Maandag tot Vrydag: 9vm to 5 nm

Saterdae: 10vm to 2nm

Sondae: 10vm to 1nm

Publieke Vakansiedae: 10vm to 1nm