Haas Das hou konsert!

Vyftig jaar ná sy televisiedebuut is Haas Das terug – hierdie keer op die verhoog! Saam met sy lojale assistent Piet Muis en geliefde karakters vanuit Diereland, bring Haas Das weer humor, pret en nostalgie na oud en jonk. 

Met sy kleurvolle das, skerp humorsin en ikoniese nuusuitsendings beloof hierdie splinternuwe teaterproduksie by AfriForum Teater hope lag, avontuur en onvergeetlike familievermaak. Kom beleef weer die goue ou dae saam met Haas Das en sy legendariese Nuuskas.