Kerskantate / Uitgestel tot volgende jaar

Die Afrikaanse Kerskantate wat op 12 Desember in die Senotaafsaal van die Voortrekkermonument aangebied word, is ’n historiese geleentheid vir ons kuns en kultuur.

Maria van der Mark se Kerskantate is toevallig ontdek deur die tenoor Coert Grobbelaar. Die komponis Rudolf Geldenhuis het opdrag gekry om dit te verwerk en aan te pas vir ’n simfonieorkes met soliste en ’n koor. Geldenhuis moes ook addisionele werk komponeer. Op dié wyse verhoed hulle dat die klein juweeltjie in die vergetelheid raak. 

Die bekende Suid Afrikaanse sopraan Linelle Wimbels en die bariton Andries Aldrich, sluit aan by Coert Grobbelaar, die Pretoria Simfonieorkes en die In2Nate kamerkoor om lewe in hierdie werk te blaas. Liana Simmonds (kontralto) en Loraine Hibbert (sopraan) vorm ook deel van die ensemble. 

Die kerskantate word aangebied met die samewerking en ondersteuning van die Voortrekkermonument en die FAK.

Kontak [email protected] vir enige kaartjienavrae.