Liewe Heksie vlieg die land vol | Kinderteater

Liewe Heksie vlieg die land vol: ’n Geliefde kinderproduksie vol pret, verbeelding en avontuur

Met: Ana van Achterbergh, Botha Enslin, Elizma Byleveldt en Phillru van Achterbergh

Regie: Frans Swart

Verna Vels se geliefde Liewe Heksie bly ’n gunsteling wat geslag ná geslag diep in kinderharte kruip.

Sy sukkel soms met lang woorde, maar gelukkig is Blommie die Kabouter en haar geliefde kat, Mattewis, altyd naby om te help.

In hierdie vrolike produksie kuier Liewe Heksie en haar maats die land vol met twee stories in een vertoning, propvol humor en verbeelding.

Voor pouse word Liewe Heksie en Botterblom opgevoer, waar Blommeland se koei, Botterblom, eensaam raak wanneer niemand by haar mag uitkom nie.

Ná pouse volg Liewe Heksie en die Tuindwergie, waar die geheimsinnige Casper die tuindwerg vir groot opwinding en drama sorg.

Hierdie is ’n kleurvolle en speelse vertoning wat jong gehore nooi om saam te lag, te wonder en deel te word van Liewe Heksie se wêreld.

Ouderdomsbeperking: Alle ouderdomme

Kaartjienavrae:

Telefoon: 012 880 26 35

e-pos: [email protected]

www.kalfiefees-hermanus.co.za  

Werksure:

Maandag tot Vrydag: 9vm to 5 nm

Saterdae: 10vm to 2nm

Sondae: 10vm to 1nm

Publieke Vakansiedae: 10vm to 1nm