PIETER SMITH - Mel's Place

DIE VERTONING:

Vir 19 jaar vermaak Pieter Smith sy gehore met vertonings vir oud en jonk. As jy gedink het jy gaan met gevoude arms agteroor sit en ‘n show bywoon, het jy ‘n fout gemaak. Saamsing en vermaak uit die boonste rakke, is nader aan die waarheid van ‘n tipiese Pieter Smith – vertoning. Jy raak deel van ‘n nostalgiese, energieke en aksiebelaaide konsert. Pieter het sopas sy splinternuwe solosnit getiteld “Staal Burger” vrygestel wat lekker op die oor val en wat die belofte inhou dat oud en jonk in getroue Pieter Smith Styl sal kan saamsing en kuier. . Maak jouself reg en trek jou kuierskoene se veters stywer vas, hier kom ‘n partytjie!