S. le Roux Marais 130

Op 1 Februarie 2026 sou die komponis Stephanus le Roux Marais 130 jaar oud gewees het. Marais is veral bekend as Afrikaanse kunsliedkomponis, hoewel sy oeuvre veel verder gestrek het. Marais was ook die komponis van verskeie kerkkoorstukke, ook ligter liedere wat in die Goue Gerf opgeneem is en selfs ’n orrel- en ’n klavierkomposisie. Daarbenewens het hy vir ’n aantal skole hulle skoolliedere geskryf en ook ’n hele versameling slaapdeuntjies. 

Reserveer solank 1 Februarie 2026 in jou dagboek, want van die voorste sangers, kore en ensembles gaan in AfriForum Teater bymekaarkom om van sy werke uit te voer. 

Dit beloof om ’n luisterryke geleentheid te wees.